Inona ny "antikristy" araka izany famaritana izany?
Araka izany famaritana omen'ny Diksionera izany, ny "antikristy" dia:
- Manohitra an'i Jesosy Kristy, sady tsy mino Azy;
- "Tsy manaiky an'i Jesosy Kristy": tsy mankatò fa manohitra ny fampianarany
- Antikristy = fahavalon'i Jesosy Kristy
Ahoana no ahafantarana ireo antikristy araka ny Soratra Masina?
Ireo antikristy dia manohitra izay ambaran'ny Soratra Masina, ary mampiasa teny hafa avy ao anaty Baiboly hoentina manohitra an'i Jesosy Kristy.
- « Rankizy, izao no ora farany, ary tahaka ny efa renareo fa ho avy ny* antikristy, sady maro no antikristy efa tonga sahady; koa izany no ahafantarantsika fa izao no ora farany. » (1 Jaona 2:18)
- « Iza no mpandainga, afa-tsy ilay mandà an'i Jesosy tsy ho Kristy?
- Izy no antikristy*, dia izay mandà ny Ray sy ny Zanaka. [* Na: ilay antikristy] » (1 Jaona 2:22)
- « ary ny fanahy rehetra izay tsy manaiky an'i Jesosy dia tsy mba avy amin'Andriamanitra; ary izany no fanahin'ny antikristy, izay efa renareo fa ho avy, sady efa eo amin'izao tontolo izao sahady izy. » (1 Jaona 4:3)