Inona no dikan'ny teny hoe : "anti-" ?

Araka ny Diksionera Longman of Contemporary English, ny teny hoe "anti" dia midika toy izao:

1. Anti- = Manohitra:

Ny mifanohitra amin'ny "manohitra" dia ny hoe "mankasitraka".

• ohatra: antinokleary: manohitra ny fampiasana fitaovam-piadiana nokleary sy ny hery nokleary.

2. Anti- = Manohitra na misakana ny fahatanterahan'ny zavatra iray

• Ohatra: 
• "antifrizy": likida atao anatin'ny moteran'ny fiarakodia mba hisorohana ny fiovan'ny motera ho mangatsiaka toy ny orampanala. Ampiasaina any amin'ireny firenena misy orampanala ireny ny antifrizy; 
• "antifrome": zavatra natao hiarovana ny tongotra tsy hamoaka fofona ratsy rehefa tsemboka ny kiraro; 
• "anti-perspirant": misakana ny fivoahan'ny fahatsembohana. Ny "alamo" izao ohatra dia anti-perspirant natoraly avy anaty tany, misakana ny fivoahan'ny fofona hatsembohana maimbo amin'ny vatana.

3. Anti- = Manohitra, manakana, mankahala, mitsangana ho fahavalo

Ny teny hoe "anti-" dia entina koa milaza olona izay manohitra na misakana ny fahatanterahan'ny zavatra iray. 
Hita miharihary ny fiasan'izany fanakanana ataon'ny olona mpanohitra na "anti-" izany: eo amin'ny fiteny, ny fihetsika, ary ny fomba fisainana, ny fomba fandraisana fanapahan-kevitra mamitaka ihany koa.

• Ohatra: 
• "anti-Semita": olona mankahala Jiosy; 
• "anti-Semitika": mpitsikera sy mpanohitra Jiosy; fahavalon'ny Jiosy"; 
• "anti-Amerikana" dia olona manana fomba fisainana manohitra ny fitondrana Amerikana, ary koa mety ho mankahala ny zavatra avy any Amerika.