Ny Soratra Masina dia manambara ny fisian'ny antikristy eto amin'izao tontolo izao [Fananarana mba tsy ho tia izao tontolo izao, na hofitahin'ny antikristy, fa mba hiorina tsara ao amin'i Kristy] (1 Jaona 2:12) « Fa maro ny mpamitaka efa lasa any amin'izao tontolo izao, dia ireny tsy manaiky fa efa tonga tamin'ny nofo Jesosy Kristy. Izy no mpamitaka sy antikristy. » (2 Jaona 7) Araka izany, efa maro ny mpamitaka efa lasa any amin'izao tontolo izao. Ny antikristy dia ilay mitafy hodi-janak'ondry nefa tena ambodia mampidi-doza, mamitaka sy mahavery ny fanahy mihitsy! Tsy manao afa-tsy ny mikatsaka ny fanjakan'izao tontolo izao izy; ary amin'ny endrika ivelany dia miseho fa mino an'i Jesosy Kristy; nefa ny fony dia tsy any akory. Manao ankilabao ny fikatsahana sy ny fampandrosoana ny fanjakan'Andriamanitra izy ireny.